මල්ටිමීඩියා ප්‍රොජෙක්ටරයෙන් එහාට (දෙවන කොටස) ...........

අද මම ලියන්න යන්නෙ ඊයෙ ලියපු ලිපියෙ ඉතිරි කොටස. මේ ලිපිය කියවන්න ඉස්සෙල්ල මීට කලින් ලියපු ලිපියත් කියවලම ඉන්නවනම් තමයි හොද.

දැක්කද ඒ පින්තූර? කැන්වස් ස්ක්‍රීන් එකක පෑනකින් ලියන හැටි. ඒ උපකරණය වැඩ කරන්නෙ මෙහෙමයි. මේ මල්ටිමීඩියා ප්‍රොජෙක්ටර් වල තියනව විද්‍යුත් චුම්බක තරංග වලට සංවේදී කැමරාවක්. අතේ තියන පුංචි පෑන රිමූට් කන්රෝල් එකක් වගේ. ඒකෙන් නිකුත් කරන විද්‍යුත් චුම්බක තරංග වලට කැමරාව සංවේදී වෙනවා. මුලින්ම ප්‍රොජෙක්ටරය භාවිතා කරල ප්‍රක්ශේපනය කරන පින්තූරයේ මුළු හතර තියන තැන් පෑන භාවිතා කරල පරිගණකයේ මතකයට ඇතුල් කරනවා. ඒ ඇසුරින පරිගණක මතකයේ කණ්ඩාංක තලයක් නිර්මාණය වෙනවා. එම කණ්ඩාංක තලයෙ පෑන ගමන් කරන කොට ගමන් කරන මාර්ගයට අදාල කණ්ඩාංක හදුනාගන්න පරිගණකයට පුළුවන් වෙනවා. ඒ අනුව පෑන ගමන් කරන මාර්ගය පරිගණක මතකයේ තියන කණ්ඩාංක තලයක සලකුණු වෙනවා.

දෙවන පියවර තමයි එම කණ්ඩාංක තලයේ තියන මාර්ගය ප්‍රක්ෂේපකයේ තියන පින්තූරය මතට ගන්න එක. ඒක පරිගණක වැඩසටහනක් මගින් බොහොම පහසුවෙන් කරන්න පුළුවන්. ඒ විදියට පෑන ගමන් කරපු මාර්ගය ප්‍රක්ෂේපකයේ තියන පින්තූරය මත අදිනවා. එතකොට අපට පේන්නේ පෑනෙන් තිරය මත ලියවෙනව වගේ.

මීට අමතරව ප්‍රක්ෂේපිත පින්තූරය මත තියන විධානයක් පෑන භාවිතා කරල තෝරන්නත් පුළුවන්. එහෙම තෝරනකොට පෑනෙ තියන විශේෂ බටන් එකක් ඔබන්න ඕන. එතකොට බටන් එක් ඔබපු වෙලාවෙ පෑන තිබුන කණ්ඩාංකය පරිගණකයට කියවන්න පළුවන්. දෙවනුව පරිගණක වැඩසටහන මගින් එම කණ්ඩාංකයේ තියන බටන් එක ක්ලික් කරහම ක්‍රියාත්මක වෙන් ඕන වැඩසටහන ක්‍රියාත්මක වෙනවා.

මේ තාක්ෂණය භාවිතා කරල තව ගොඩක් දේවල් කරන්න පුළුවන්. ඉදිරි අනාගතේදි මම ඒ තාක්ෂණය පිළිබද අළුත්ම දැනුම ඔබට ලබා දෙන්න උත්සාහ කරනවා. මේ ටච් ස්ක්‍රීන් ප්‍රොජෙක්ටර් වල භාවිතා කරන තාක්ෂණය පිළිබද තවත් පැහැදිලි කරගන්න ඕන නම් මේ පින්තූරත් බලන්න..

මේ පින්තූරයෙ තියන ප්‍රොජෙක්ටරයෙ නම් දේශකයට ලියන්න වෙනම පින්තූරයක් පූක්ෂේපනය කරනව. ඒකෙ ලියන දේ ඉස්සරහ තියන තිරයේ පේනව. ඒත් මම කලින් දාපු ලිපියෙ තිබුන පින්තූර වන තිබුන ප්‍රොජෙක්ටර් වල දේශකයට ලියන්නත් පාඨකයට පේන්නත් තියෙන්නෙ එකම තිරයක්.

උඩ තියන පින්තූරයෙ තියන ප්‍රොජෙක්ටරය ඇතුලත ව්‍යුහය තමයි මේ තියෙන්නෙ.

මේ ලිපියෙ තුන්වන කොටස බලන්න ඕන නං මෙතනට කොටන්න.

මෙම බ්ලොග් අඩවිය ඔබට වඩාත් ප්‍රයෝජනවත් තැනක් බවට පත් කිරීමට ඔබගේ අදහස් ඉතා අගය කොට සලකමි. (තේරෙන සිංහලෙන් කියනවනම් පුළුපුළුවන් විදියට Comments දාන්න.)